ابڙو اڪيڊمي Abro Academy
2020-07-19
داخلا نمبر 563
عنوان ڦوسڻي نيل ڪنٺ
شاخ پکي
پڙهيو ويو 334
داخلا جو حوالو:
ڦوسڻي نيل ڪنٺ
ڦوسڻي نيل ڪنٺ
14 سينٽي ميٽر جسامت جو ڦوسڙيءَ جهڙو هيءُ ننڍڙو پکي عام طور ڳجهڙو ۽ ننڍن ٻوٽن ۾ لِڪڻ جي طبعيت وارو آهي. نر ۽ ماديءَ جي رنگن ۾ فرق ٿئي ٿو. نر ۽ ماديءَ جي پٺي ناسي، اک جي مٿان اڇي ليڪ، گهري رنگ جي پڇڙيءَ وارو اکروٽي پڇ ٿئي ٿو. نَر جي ڳچي ۽ ڇاتي نيري هوندي آهي جنهن جي وچ ۾ اڇو چٽو ۽ اکروٽي هلالي نشان ٿئي ٿو. گلي ۾ هار وانگر ڳاڙهو پٽو ٿئيس ٿو ۽ پيٽ اڇو هوندو اٿس. ماديءَ جي ڳچيءَ تي روشن هيڊو نيرو نشان ٿئي ٿو جنهن ۾ اکروٽي موجود ناهي. نابالغ ماديءَ جي پٺي هيڊي ٿئي ٿي، ڳچيءَ تي ڪوبه نشان ڪونه آهيس ۽ نه ئي پڇ جي چوٽي گهري رنگ جي ٿئي ٿي. اڪثر زمين تي ٽپندو يا گاهه ۾ ڇپ هڻي ويٺو هوندو آهي. جيت ڪينئان، ننڍڙا ٻير ۽ پيرون وغيره کائي ٿو. ٻيلن ۽ آلن گاهير علائقن ۾ افزائش نسل ڪري ٿو. ان جو آکيرو ننڍو پيالي نما ۽ گاهه ۾ لڪل هوندو آهي. ماحول : 7 جو پکي آھي.